Kiwari jaman serba moderen teknologi leuwih maju, informasi oge leuwih gampang di teangan,sagala rupa teh asa leuwih gampang dipika gawe ayeuna mah, contona baheula mah mun aya perlu kanu jauh teh sok make surat atawa kudu didatangan tapi ayeuna mah ku majuna jaman teknologi cukup ditelepon ku hape, tah eta salah sahiji ngeunahna teknologi maju teh.
Tapi gorengna nyaeta kabudayaan ti luar mangaruhan kabudayaan asli, contona baheula mah lamun pasosore teh barudak leutik sok arulin ucing-ucingan, tapi kiwari mah barudak teh leuwih loba di tempat PS (Play Station), nu leuwih parah mah nyaeta ku tv, ku ayeuna tv barudak ayeuna mah jadi hayang gaul, teu gaul cenah lamun ngomong basa sunda teh, malahan disebut kampungan. Tapi anehna teh basa sunda teu bisa, basa indonesia balelol, komo deui basa inggris mah. Kadang sok hariwang lamun ninggali jaman ayeuna, nya deuk dikamanakeun atuh kabudayaan sunda teh, soalna ku sha deui atuh ari lain ku urang-urang mah salaku panerus kolot-kolot baheula.
Musik tradisional sunda geus jarang di pika resep deuih ayeuna mah ku barudak sunda teh, ku sabab aya musik barat nu leuwih gaul cenah,ceuk dina salah sahiji lirik lagu sunda mah kieu cenah "Ngaku anak gaul, lagu kabarat-baratan, bu'uk dibeureuman, angger we jogedna mah joged dangdut".
Tah ayeuna mah hayu urang babarengan ngamumulekeun basa sunda jeung kabudayaan sunda, ku saha deui atuh rai lain ku urang sunda deui mah.
Contac me : 0857-9-3434-637
0 komentar:
Posting Komentar