Baju Lebaran

Asa cikeneh kamari bulan puasa teh, ayeuna geus deuk lebaran deui, teu karasa ti wanci ka wanci teh.

Biasana mah mun lebaran teh sok identik jeung mudik, ngajieun kueh ibu-ibu mah, jeung meuli baju lebaran. Kadang-kadang budak ngora atawa ABG mah sok eraeun lamun babaturanna apaleun yen manehna meuli baju lebaran, padahal mah naon erana da eta mah geus jadi tradisi. Ti mimiti budak leutik nepikeun ka aki-aki atawa nini-nini nu geus bau taneuh ge hayang meuli baju lebaran, komo deui budak leutik mah sok silih tembongkeun jeung babaturanna pokona mah pa alus-alus we lah, soalna karasa baheula keur leutik, hahaa!!..

Sasih saum teh pinuh barokah, sok weh rasakeun ku urang sorangan, rejeki teh aya wae nepikeun ka bisa meuli baju, nyieun keuh-kueh, masak daging, jeung sajabana. Ceuk paribasa mah "peupeuriheun bulan biasa teu kabedag meuli baju, cing atuh sataun sakali mah piraku", tapi disisi lain aya keneh jelema nu boro-boro meuli baju keur dahar ge hese, matakna urang mah kudu syukuran, masih keneh bisa meuli baju, keun bae hiji ge dari pada henteu mah.

Taqabalallahu wa mina wa minkum, syiamana wa syiamakum.
Wilujeng lebaran, hapunten kana sagala kalepatan simkuring.